De tekst is overgenomen uit The Old English Orosius edited by Janet Bately, Oxford University Press 1980, p.13-18. Om gemakkelijker naar de verschillende delen van deze zeer moeilijk te begrijpen tekst te kunnen verwijzen is hij hier in zestien stukjes geknipt en van nummers (en een korte omschrijving van de inhoud) voorzien.
Inleiding
Nu hæbbe we scortlice gesæd ymbe Asia londgemæro, nu wille we ymbe Europe londgemæro areccean swa micel swa we hit fyrmest witon.
1. De grenzen van Germania
From þære ie Danais west oþ Rin þa ea, seo wilð of þæm beorge þe mon Alpis hætt ond irnð þonne norþryhte on þæs garsecges earm þe þæt lond uton ymblið þe mon Bryttania hætt, ond eft suþ oþ Donua þa ea, þære æwielme is neah Rines ofre þære ie, ond is siþþan east irnende wið norþan Creca lond ut on þone Wendelsæ, ond norþ oþ þone garsecg þe mon Cwensæ hæt: binnan þæm sindon monega þeoda, ac hit mon hæt eall Germania.
2. De omgeving van de Oost-Franken
Þonne wið norþan Donua æwielme ond be eastan Rine sindon Eastfranc[an], ond be suþ an him sindon Swæfas, on oþre healfe þære ie Donua, ond be suþan him ond be eastan sindon Bægware, se dæl þe mon Regnesburg hætt,......
3. vervolg op de omgeving van de Oost-Franken
.....ond ryhte be eastan him sindon Bæme, ond eastnorþ sindon Þyringa[s], ond be norþan him sindon Ealdseaxan, ond be norþanwestan him sindon Frisan.
4. De omgeving van de Oude Saksen
Be westan Ealdseaxum is Ælfe muþa þære ie ond Frisland,.....
5. vervolg op de omgeving van de Oude Saksen
.....ond þonan westnorþ is þæt lond þe mon Ongle hæt ond Sillende ond sumne dæl Dene, ond be norþan him is Afdrede ond eastnorþ Wilte þe man Hæfeldan hætt, ond be eastan him is Wineda lond þe man hætt Sysyle,.....
6. De Moraviërs
.....ond eastsuþ, ofer sumdæl, Maroara;.....
7. De omgeving van Moravië
.....ond hie Maroara habbað be westan him Þyringas ond Behemas ond Begware healfe, ond be suþan him on oþre healfe Donua þære ie is þæt land Carendre suþ oþ þa beorgas þe mon Alpis hæt; to þæm ilcan beorgan licgað Begwara landgemæro ond Swæfa.
8. De omgeving van Karintië
Þonne be eastan Carendran londe, begeonda[n] þæm westenne, is Pulgara land, ond be eastan þæm is | Creca land,.....
9. nogmaals de omgeving van Moravië
.....ond be eastan Maroara londe is Wisle lond, ond be eastan þæm sint Datia, þa þe iu wæron Gotan. Be norþaneastan Maroara sindon Dalamentsan,.....
10. De omgeving van Dalaminzië
.....ond be eastan Dalamentsan sindon Horigti, ond be norþan Dalamentsan sindon Surpe, ond be westan him Sysyle.
11. De omgeving van de Horigti
Be norþan Horoti is Mægþa land, ond be norþan Mægþa londe Sermende oþ þa beorgas Riffen.
12. De omgeving van de Zuid-Denen
Be westan suþdenum is þæs garsecges earm þe lið ymbutan þæt land Brettannia, ond be norþan him is þæs sæs earm þe mon hæt Ostsæ, ond be eastan him ond be norþan sindon Norðdene, ægþer ge on þæm maran landum ge on þæm iglandum, ond be eastan him sindon Afdrede, ond be suþan him is Ælfe muþa þære ie ond Ealdseaxna sumdæl.
13. De omgeving van de Noord-Denen
Norðdene habbað be norþan him þone ilcan sæs earm þe man hæt Ostsæ,ond be eastan him sindon Osti þa leode, ond Afrede be suþan.
14. De omgeving van de Osti
Osti habbað be norþan him þone ilcan sæs earm ond Winedas ond Burgendan, ond be suþan him sindon Hæfeldan.
15. De omgeving van Bornholm
Burgendan habbað þone sæs earm be westan him ond Sweon be norþan, ond be eastan him sint Sermende, ond be suþan him Surfe.
16. De omgeving van Zweden
Sweon habbað be suþan him þone sæs earm Osti ond be eastan him Sermende, ond be norþan him ofer þa westenne is Cwenland, ond be westannorþan him sindon Scridefinne ond be westan Norþmenn.